香港Netflix圣诞假收视榜十大 Matrix、蜘蛛侠旧片佔7席 榜首係呢套新片

《蜘蛛侠:不战无归》香港首日开画票房高开800多万,上映13日轻鬆破亿,成为新冠疫情以嚟最高票房纪录,亦係香港首部票房过亿嘅《蜘蛛侠》!相信因为今集《蜘》开启多重宇宙,令唔少观众再次重温前2代“蜘蛛侠”。



Netflix公布12月20-26日官方数据,圣诞假期香港地区最多人睇嘅10部电影之中,有4部都係“蜘蛛侠”!分别为第2位Tom Holland主演嘅《蜘蛛侠:强势回归》、第4位及第6位係由“二代蜘蛛侠”Andrew Garfield主演嘅《蜘蛛侠:惊世现新》、《蜘蛛侠2:决战电魔》,“首代蜘蛛侠”Toby Maguire主演嘅《蜘蛛侠》排第9位。


Andrew Garfield主演2集“蜘蛛侠”上映时票房及口碑皆不及Toby Maguire版或Tom Holland版,重新上榜相信唔少人睇完《蜘蛛侠:不战无归》发觉走漏眼,急急搵返嚟睇!



随住《22世纪杀人网络4:复活次元》上映,成个《22世纪杀人网络》系列亦成为Netflix最多人睇嘅电影,首集《22世纪杀人网络》佔第3位、《22世纪杀人网络2:决战未来》及《22世纪杀人网络3:惊变世纪》分别排第8及第10位。《22世纪》系列堪称经典,事隔18年再次推出第4集,入场前做定功课合情合理!


Top 10之中只有2套中文片,分别为第5位,由杜琪峯执导、游乃海编剧,赵薇、古天乐、锺汉良主演嘅《三人行》。片中一镜到底慢镜头枪战,上映时票房评价麻麻,几年后随住社会变化而多一重解读,或者係观众重新观赏嘅原因?另一套上榜为第7位由剧集红到出电影版嘅《使徒行者》。



首位最多人睇亦係唯一一套新片,由金像导演Adam McKay执导,超强巨星阵容Leonardo DiCaprio、Jennifer Lawrence、Meryl Streep及Cate Blanchett主演嘅黑色喜剧《千万别抬头》,讲述两名天文学家展开媒体巡迴演讲,警告全人类有一颗彗星即将撞击并摧毁地球,但全球忙著关心其他事,根本冇人理佢地!


电影借世界末日讽刺现今政治、有钱有权一群及媒体掌控世界,讲到明世道不公,就算世界末日都改变唔到,笑料百出之中其实好鬼sad!

1.png

评论

我要评论

◎欢迎参与讨论,请在这里发表您的看法、交流您的观点。